In 1976 is daar besluit om ‘n kernkragsentrale, Koeberg, langs die Weskus te bou. Hierdie besluit het Melkbosstrand vir altyd verander. Fasiliteite moes opgegradeer word om die groeiende gemeenskap te akkomodeer.
Laerskool Melkbosstrand, wat geleë was waar Melkbos Pre-Primêr huidiglik is, het in 1980 gesluit. Laerskool Van Riebeeckstrand is in 1981 gestig. Die skool het daardie jaar met 249 leerlinge en 12 onderwysers afgeskop. Tans spog ons met net meer as 80 personeellede en om en by 1 125 leerlinge.
Die skool het in 1981 bestaan uit 14 nasionaliteite, naamlik: Engelse; Skotte; Walliesers; Iere; Franse; Duitsers; Portugese; Spanjaarde; Swede; Australiërs; Hollanders; Belge; Amerikaners; Pole asook mense van talle ander Afrika-lande.
Tans is VRS ‘n parallelmedium skool van gr. 1 – 7 met 6 klasse per graad (3 Afrikaanse klasse en 3 Engelse klasse).
Ons skoolwapen is deur Me Antoinette Solé ontwerp.
Dui ons geografiese ligging in die RSA aan.
Die seemeeu in vlug simboliseer die gees wat nie aan bande gelê mag word nie.
Die wit van die seemeeu simboliseer reinheid.
Die rigting van die seemeeu se vlug dui die toekoms, waarheen ons beweeg, aan.
Die drie sirkels verteenwoordig die ouer, kind en onderwyser en dui hulle verhouding tot mekaar aan. Die plasing van die sirkels toon die interafhanklikheid van die driemanskap. Die plasing maak ook voorsiening vir die individualiteit van die betrokkenes.
Semper: Altyd
Fidelis: Getrou
Ons skoollied is deur mnr. Rubin du Plessis op 77-jarige ouderdom gekomponeer. Hy was 20 jaar lank die skoolhoof van Laerskool Sonop in Despatch (Oos-Kaap).
Tans spog ons met moderne tegnologiese media om te verseker dat ons kwaliteit onderrig kan lewer.
Tans spog ons met moderne tegnologiese media om te verseker dat ons kwaliteit onderrig kan lewer.
Met die skool se leuse: Altyd getrou, die ses kernwaardes, naamlik: respek, eerlikheid, toewyding, integriteit, selfbeheersing en lojaliteit asook die Tema vir 2021: Wees die verskil, kan ons as gemeenskap nie anders as om baie dankbaar te wees vir die voorreg om te mag deel wees van nóg ‘n trotse hoofstuk in VRS se geskiedenis.
AFR 
ENG