Ons trotse hartklop – onder eienaarskap van die skool, Laerskool Van Riebeeckstrand, bestuur deur Mev. Beatri Fourie.

Leerders van Gr. 1 – Gr. 7, ouers, onderwysers en besoekers maak gebruik van die snoepie. Hier word geleentheid geskep aan die leerders om in ’n ontspanne, maar positiewe gekontroleerde omgewing; goeie, oordeelkundige besluite te neem.

Gr. 1’s – Gr. 3’s kan na hartelus op hulle eie tempo koop by die bedieningspunte.

Leerders se kennis- en besluitnemingsvaardighede word hier op ’n praktiese wyse toegepas d.m.v.:

• Wiskunde
• bestuur van sakgeld
• entrepeneurskap
• voedselkeuses t.o.v. maaltye en versnapperinge
• selfvertroue
• mededeelsaamheid
• respek
• Ons verskaf voedsame, bekostigbare maaltye.
• Afwisselende spyskaarte word weekliks opgestel.
• Maaltye word in wegneemhouers bedien en kan vooraf bestel word by tuckshop@vrspmail.co.za mailto:tuckshop@vrspmail.co.za.
• Alle etes word op ’n dag-tot-dag basis vars voorberei. Fazlin, Helen en Jessica is ons drie opgeleide “kokke” wat die potte laat prut in ons goed toegeruste kombuis
• Die spyskaart is weekliks op Facebook beskikbaar.

Gewaardeerde ouers help daagliks gedurende pouses met die snoepie verkope, op ’n vrywillige basis. Die OOV is betrokke tydens groot sportgeleenthede en help ook om die vele pannekoeke te bak.

Ouers kuier, gedurende die middae onder die sambrele terwyl daar huiswerk gedoen word, by die bankies voor die snoepie.

Betalings kan vooraf elektronies gedoen word. Kontant is ook welkom. Ons maak gebruik van Zapper om betaling te vergemaklik.

Snoepie-ure is soos volg:
Maandae tot Donderdae : 1^ste en 2^de pouse en na skool tot 15:00
Vrydae : 1^ste en 2^de pouse en na skool tot 13:30
Saterdae: Tydens Sportaangeleenthede